S’eternu crampu de su fàmine [de Nanni Falconi]

Campamus custu tempus arressu

chentza dignidade peruna,

satzados ma semper famidos.

Chentza coragiu, chentza bisos,

semus che mammutones chi tentant

una mandra bòida de berbeghes.

Sas timòrias nostras pro su cras est una paràlisi

chi ti lassat màrture cun sa cara torta

e tètera in una stòrchida divina,

e ti sutzat dae sas benas sa linfa vitale.

Su càrculu de sa pèrdua nos ligat

a su presente chi bidimus buju

e fungudu de paule. Amus a passare

torra subra sas concas ammuntonadas

e las amus a abburrigonare

pro cuntentare s’eternu crampu de su fàmine nostru.

————————————————————————

L’eterno crampo della fame

Viviamo senza nessuna dignità

questo tempo immobile,

sazi ma sempre affamati.

Senza coraggio, senza sogni,

siamo come il mammutone che guarda

un recinto vuoto di pecore.

Le nostre paure per il futuro è un ictus

che ti lascia paralitico, con la faccia storta

e rigida in una smorfia divina,

e ti succhia  dalle vene la linfa vitale.

Il calcolo della perdita ci lega

al presente che vediamo oscuro

e profondo di palude. Passeremmo

di nuovo sulle teste ammucchiate

e le affogheremmo

per contentare il crampo eterno della nostra fame.