Su NONO craru in su Referendum: resones costitutzionales, resones polìticas (romanas) e resones sotziales isceti? [di Antoni Nàtziu Garau]
|
Leghende s’artìculu de Lisandru Mongili “La geografia del Sì e gli arcipelaghi del No”, mi permito de agiùnghere – e creo de no èssere ne atrividu nen foras de binàriu – un’àtera chistione chi podet agiudare a cumprèndere su pro ite, in logos meda, su NONO est lòmpidu a pertzentuales aici artas. Nche intrat, tzertu, s’èssere contras de una mudadura aici manna e funguda de sa Costitutzione, cun cosas chi si podiat èssere de acòrdiu postas paris cun cosas pagu craras o cun cosas craras meda chi non fiat pretzisu a tocare; nche intrat, de seguru, sa personalizatzione (non domandada dae nemos e, a tretos, fintzas infadosa!) de su resurtadu de su Referendum chi nde at fatu Renzi e, duncas, su de nd’àere aprofetadu dae parte de is chi fiant contras de is polìticas de su Guvernu de Renzi; nche intrat fintzas sa chistione sotziale, sa crisi isparta, sa poberesa e su fàmene chi sunt sufrende famìllias meda, prus che totu in su Meridione de Itàlia, in is ìsulas, ma fintzas in is regiones de su Nord. Ma mi paret chi in logos meda su votu referendàriu si siat carrigadu fintzas de unu significadu locale, chi s’agiunghet a is àteros remonados a subra. Carchi esempru: si càstiet su resurtadu ispantosu chi su NONO at tentu in sa comunidade de Prammas (su NONO at pigadu su 84,16 %, su EJA su 15,84 %), chi depet sufrire su sèberu faddidu de su sìndigu de Aristanis, Guidu Tendas, de èssere de acòrdiu cun su fàbbricu de un’impiantu solare ammisturadu termodinàmicu in Santu Chìrigu (fratzione de Aristanis, ma prus acanta de Prammas chi nono de Aristanis!), cun s’ocupatzione de 77 ètaros de terrinu agrìculu e cun una tzentrale a biomassa chi diat dèpere brusiare 75 tonnelladas (SIC!) de linna ònnia die. Ma creo chi fintzas is Aristanesos (in tzitade su NONO at pigadu su 75,52 %, su EJA su 24,48 %) apant chertu espressare a su sìndigu Tendas totu su pistighìngiu issoro pro custu sèberu dannàrgiu suo chi totus si sunt decrarados contras: tzitadinos, comitados, assòtzios culturales, assòtzios ambientalistas, assòtzios pro sa tutoria de sa salude pùblica, assòtzios de consumadores, assòtzios de categoria, partidos polìticos, sindacados, deputados e senadores de sa Repùblica, consigieris regionales e fintzas su Consìgiu comunale de Aristanis, su Consìgiu provintziale de Aristanis e su Consìgiu regionale. Cun pagos faeddos, custu impiastru industriale, custu atzoroddu de ispeculatzione econòmica a dannu de sa terra bella (e de bonu coro!) pro fainas de laurera, càrrigu de perìgulos mannos pro s’ambiente e pro sa salude de chie ddoe diat dèpere bìvere acanta … totu custu sa gente – cun fundòriu e sabidoria – ddu timet e non ddu cheret. E tenet resone! Su NONO postu in s’ischeda eletorale domìniga passada non fiat unu sèberu fatu pensende a sa chistione de nche iscantzellare su bicameralismu perfetu o su C.N.E.L. o a s’arriscu de perdere cussu pagheddu de autonomia chi tenimus isceti, ma fiat unu NONO fintzas a custos sèberos istrambos locales, a custos machìmenes profetosos pro pagos e dannàrgios pro su paesàgiu, pro s’ambiente e pro sa populatzione! Ca is Aristanesos, is Prammaresos, is Sardos non tenent s’apretu de prodùere energia elètrica (chi is impresàrios ant a bèndere in continente!) brusiende 75 tonnelladas de linna cada die. Cussa energia non serbit ne a sa provìntzia de Aristanis, nen serbit a sa Sardigna. Ca sa bulleta energètica chi is Sardos pagant, cara est e – a dolu mannu – cara abarrat. A intro de su NONO ddoe fiant fintzas chèscias che a custa.
|
Mi dispiace non poter esporre questo breve commento nella lingua dei padri, così come, con precisione ed eleganza, fa Antonio Ignazio Garau; ma non sono altrettanto fluente.
Nell’analoga vicenda dell’iniziativa della Fluminimannu Ltd di realizzare a Decimoputzu un impianto di solare termodinamico, il Ministero dell’Ambiente e Tutela del Territorio e per esso la Commissione Tecnica di verifica dell’Impatto Ambientale ha espresso il 22 luglio 2016 parere POSITIVO alla realizzazione degli impianti. Viceversa, parere opposto del Ministero dei Beni Culturali.
Quali i possibili scenari del dopo referendum. Con la vittoria dei NO, sono portato a crederlo, il Ministero dell’Ambiente si mostrerà più prudente nella formulazione dei suoi pareri, ma soprattutto la Regione potrà continuare ad esercitare il proprio diritto di opposizione che, viceversa sarebbe stato negato dall’articolo 31 della cosiddetta riforma costituzionale, appena bocciata.
Professore Vacca,
in su mese de cabudanni de su 2016 su Consìgiu regionale at aprovadu sa motzione Usula-Zedda chi previdit de impignare a su presidente de sa Giunta regionale e sa Giunta regionale etotu “a impugnare il provvedimento presso il Ministero dell’ambiente e della tutela del territorio e del mare e mettere in campo ogni azione per impedire la realizzazione dell’impianto solare termodinamico in agro dei comuni di Decimoputzu e Villasor e di altri interventi di questo tipo già previsti, quali il mega-impianto industriale termodinamico di Gonnosfanadiga-Villacidro, che possono determinare sottrazione di territorio agricolo, in quanto speculativi e un danno alla Sardegna, per affermare i principi costituzionali dell’autonomia della Sardegna ed elevare la rappresentatività della società sarda e la capacità decisionale di questa Giunta regionale”.
Cun s’ispera chi sa Giunta regionale respetet s’inditu de su Consìgiu regionale, chi non balet pro Deximeputzu-Biddesorris e Gùspini-Biddacidru isceti, ma fintzas pro sa machinedda de fàghere dinari cun sea legale incungiadora in Boltzanu e iscàrrigu de fumu in Aristanis-Santu Chìrigu e Prammas-Tiria.
Antoni Nàtziu Garau