Pro Sa Die de sa Sardigna: E semus inoche [di Sebastiano Mariani]
|
NO ISCO SI SU MARE SI EST FALADU O SI SA MANNA NUE EST ISCUMPARTA ISCO PERÒ CHI SU MUNNU INCANTADU S’ EST CANNO TU INOCHE SES CUMPARTA
VENTU SOLE ABBA E SALE ERVAS LANNES TRICOS FERAS PRANOS MONTES CAMINERAS DOGNI BENE E SENTZA MALE PARIAN NASCHIDOS INOCHE
CANTU PODIAT DURARE CUSSU AMENU PARADISU ? NEMOS L’ISCHIT DE PRETZISU MA VENNIDU EST A MANCARE COMO NO EST PRUS INOCHE
DAE TESU SONO ARRIVADOS DAE MARE A DAE TERRA CHIN LUSINGAS E CHIN GHERRAS CHIN DINARES E SORDADOS E NOIS FIMUS INOCHE
SAS ABBAS NOS ANT TOSCADU ISFERRADUS NOS ANT SAS GAMAS NOS ANA MORTU SAS MAMAS EI SOS FENOS BRUJADU EPPURU SEMUS INOCHE
FIZOS NOSTROS IN DISTERROS CHIN CADENAS E CHIN FERROS SUPRA SAS FURCAS PARADAS IN TRINCEAS ILLUDRADAS LOS HAMUS PRANTOS INOCHE
ASPETTANNE SU PROGRESSU HAMUS FAMENE PATIDU SEMPER ANNANNE A REVESSU CHENTU RE HAMUS SERVIDU MANC’UNU NASCHIDU INOCHE
E COMO SOS RIOS MANNOS DE CAMPUSANTU E DE MARE SON COMINTZANNE A CARRARE ISCORIAS PO MILL’ANNOS LAS CHEREN PONNER INOCHE
MA IN SAS TUMBAS NASCHIRE VIDIMUS FRORES GALANOS CHIN ISPADAS E RUCHE IN MANOS CHEREN REJONE PEDIRE TOTTU VENIN A INOCHE
ARTZADE PANDELAS MANNAS NAZEBILIS : MODERADE ! SENTZA TANTAS DIMANNAS E S’EST BISONZU GHERRADE !! SI COMINTZET DAE INOCHE
UNIDE SAS FORTZAS PARIS UNIDE SAS VOLONTADES PONIMUNNOS DE RUCRADIS TOTTU ASTRINTOS CHE FRADES NEMOS MOGAT DA’ INOCHE
TORRAMUS A SU CONNOTTU LIBEROS INTER PARES BONOS GENTILES CHIN TOTTU MERES DE TERRAS E MARES CHI ABBARRAN SEMPER INOCHE
E GALU AMUS A RESTARE A BIDER ATERU ZIRU MA BASTAT SU SUPPORTARE BASTAT PICARE IN ZIRU SENZA LASTIMA NE’ PRANTU SENZA RESPIRU NEN BOCHE VINTZAS SI TORRANA A BENNERE AMUS A ESSERE INOCHE
|
